Vanskelege val om verb
(27.10.10) Verb og verbbøying var hovudtema på sist møte i rettskrivingsnemnda. Nemnda føreslår at kløyvd infinitiv går ut av rettskrivinga, medan a- og e-infinitiv blir jamstelte, som i dag.
Fortidsforma av j-verb (t.d. valde, spurde) og e-verb (t.d. dømde, kjende, høyrde) var ei av dei store sakene på møtet. Mange av desse verba har i dag ei klammeform med -te, og nemnda måtte ta stilling til om dei skal ha to valfrie former i preteritum (fortid), eller om dei skal ha berre ei. Nemnda har førebels gått inn for å stramma inn, slik at dei fleste verba berre får ei form.
Rettskrivingsnemnda går inn for å lempa på reglane om samsvarbøying av partisipp, og meiner det bør vera valfritt i svake verb. Dermed må ein framleis skriva at ”dei er komne”, men ein kan velje mellom ”dei er kjende” eller ”dei er kjent”.
Også kjønn på substantiv på -ing/-ning var eit stort emne på møtet. Nemnda arbeidde med å koma fram til nokre retningslinjer for når desse orda er hankjønnsord, og når dei er hokjønnsord.
Del denne siden
