Språkprisen

Kvart år deler Språkrådet ut ein pris for framifrå bruk av norsk i sakprosa. Prisen blir delt ut annakvart år for bokmål og nynorsk. I 2017 stod nynorsk for tur, og prisen gjekk til Alfred Fidjestøl.

Alfred Fidjestøl med diplom og blomarAlfred Fidjestøl (f. 1973), journalist, filosof, biograf og sakprosaforfattar, får prisen for bøkene Trass alt. Det Norske Teatret 1913–2013 (2013), Frå Asker til Eden. Historia om Askerkretsen 1897–1924 (2014), Eit eige rom. Norsk kulturråd 1965–2015 (2015) og Nesten menneske. Biografien om Julius (2017).

Juryen skriv dette om prisvinnaren:

Vinnaren gjer kulturinstitusjonar, kulturpersonar og kulturikonar levande ved bruk av klår prosa. Gjennom stiltone, varierte og appetittvekkande kapitteloverskrifter og dekkande mellomtitlar demonstrerer forfattaren ei befriande evne til å kombinere ledig og lettlesen nynorskprosa med kreative språkbilete.

Vinnaren blei gjort kjent den 15. november, og prisen blei delt ut under eit arrangement på Litteraturhuset i Oslo same kveld.

Dei andre nominerte for 2017 var:

  • Åsa Elstad, historikar og førstekonservator ved Sortland museum
  • Jon Hustad, journalist og kommentator
  • Erna Osland, norsklærar og barne- og ungdomsbokforfattar
  • Morten Søberg, samfunnsøkonom og politikar

Prisvinnarar


Sist oppdatert 16. november 2017

Del denne siden

Del på Facebook Del på Twitter