Enhet på nynorsk

Kva ord skal eg bruka for enhet? Kan eg skriva einheit?

Svar

Du kan bruka eining eller einskap, men ikkje om einannan! Det spørst kva du har i tankane.

Einskap = unity

Når enhet betyr ‘samanheng, heilskap, samhald’, er einskap det rette («finna einskapen i mangfaldet», «fremja einskap mellom landa»).

Eining = unit

Når du siktar til enhet i tydinga ‘sjølvstendig del (av ein større heilskap)’ eller ‘grunnstorleik i eit målsystem’, heiter det eining på nynorsk («militære einingar», «produsera 100 einingar om dagen», «mynteininga er pund»).

Einheit = ?

Einheit står ikkje i Nynorskordboka, for eining og einskap er innarbeidde og fungerer godt. Men ordet finst jo for det. Dersom du ikkje vil nyansera slik som i engelsk og tradisjonell nynorsk, kan ingen nekta deg å bruka ordet.

Del denne siden

Del på Facebook Del på Twitter