Klokkeslett
Korleis skriv ein klokkeslett?
Når det gjeld heile timar, bruker vi tala frå 0 til 24:
- kl. 9
Skal vi ha med minutt-talet, kan vi bruke fire siffer med eller utan punktum eller kolon. Ein eventuelt null føre timetalet kan sløyfast dersom ein brukar punktum. Her er alternativa:
- kl. 0905
- kl. 09.05 eller kl. 9.05
- kl. 09:05
Den utheva varianten har vore den desidert vanlegaste. Den siste skrivemåten vart godkjend i 2014.
Skal vi ha med både sekund og tidels sekund, set vi punktum eller kolon føre sekund òg, men komma føre tidels sekund:
- kl. 14.05.02,3
- kl. 14:05:02,3
Regelen for sportstider er den same.
Var denne teksten grei?
Trykk på Ja eller Nei og skriv ei tilbakemelding med ris, ros eller begge delar. Vi svarar ikkje på tilbakemeldingane, men vi les dei aller fleste. Les meir om baseartiklane i spalta til høgre (eller nedst, om du er på lesebrett/mobil).