Nytt mastergradsstipend: språk og koronavirus

Stipendet kjem i tillegg til dei ordinære utlysingane.

Det kan bli aktuelt med fleire tildelingar.

Det er særleg behov for kunnskap om

• korleis styresmaktene, fagmiljø eller fagpersonar i helsesektoren nyttar fagspråk og terminologi i fagtekstar eller i kommunikasjon med ålmenta
• korleis språk og visuell utforming gjer at tekstar blir enkle eller vanskelege å forstå

Søknaden må innehalde

• ei skisse på éi side der ein gjer greie for problemstillinga og metoden og kor langt ein er komen i arbeidet
• ei fråsegn frå rettleiaren
• ei utdjuping av problemstillinga og metoden på maksimum tre sider

Søknadsfristen er 1. oktober 2020. Søkjarane må merkje søknaden med «koronastipend» og sende han til post@sprakradet.no.

Stipendmottakaren må skrive under på ei avtale der Språkrådet mellom anna får rett til å publisere oppgåva på internett dersom Språkrådet ønskjer det.

Kontakt: Har du spørsmål til utlysinga eller ønskjer å diskutere temaet for oppgåva, kan du gjerne ta kontakt på post@sprakradet.no. Merk også denne e-posten med «koronastipend».