No kan du skrive «eit kompliment»
(11.12.15) Språkrådet gjer fleire normeringsvedtak i løpet av året. Her får du eit oversyn over vedtak vi har gjort i 2015.
Eit ord som podkast/poddkast har til no ikkje hatt noka offisiell rettskrivingsform på norsk. Det same gjeld ordet nikab. Kviss har kome inn som alternativ til quiz. Det inneber at begge skrivemåtane frå i år av er tillatne i normert skriftleg norsk.
Desse vedtaka er tre av fleire Språkrådet har gjort i løpet av året.
- Vi har lang tradisjon for å bruke norsk skrivemåte på låneord som etablerer seg i språket vårt, og desse vedtaka føyer seg dermed fint inn i rekka, seier Åse Wetås, direktør i Språkrådet.
I 2015 har Språkrådet òg vedteke at internett kan skrivast med enten liten forbokstav eller stor, og at det i skrift frå no av kan heite eit kompliment eller ein kompliment.
- Desse vedtaka er døme på at språkbrukarane er med på å forme skriftspråket. Mange skriv internett og gjev andre eit kompliment, og det har bidrege til at formene har kome inn i rettskrivinga, seier Wetås.
Her er heile lista over normeringsvedtak Språkrådet har gjort i 2015.
VEDTAK SOM GJELD BEGGE MÅLFORMENE | ||
---|---|---|
Før: | Endring: | No: |
Internett | valfri stor eller liten forbokstav | Internett eller internett |
quiz | valfri fornorska skrivemåte | kviss eller quiz |
nynorsk: ein kompliment, komplimenten | valfritt inkjekjønn eller hankjønn |
nynorsk: ein kompliment, komplimenten eller |
bokmål: en kompliment, komplimenten | bokmål: en kompliment, komplimenten eller et kompliment, komplimentet | |
unormert | norsk skrivemåte | nikab |
unormert | norsk skrivemåte | podkast eller poddkast |
VEDTAK SOM BERRE GJELD NYNORSK | ||
Substantiv | ||
Før: | Endring: | No: |
tyngd | tyngde blir alternativ form | ei tyngd eller ei tyngde |
sidd | sidde blir alternativ form | ei sidd eller ei sidde |
VEDTAK SOM BERRE GJELD BOKMÅL | ||
Alle endringane gjeld såkalla s-verb (til dømes å fødes, å høres). Dei fleste av dei vedtekne formene er sjeldne i bruk. Endringane ligg her. |