Splitter nytt Språknytt
(9.10.08) Språkrådets blad for språkinteresserte kjem no med ny utsjånad og nye typar innhald. Les om språksensur av lesarinnlegg i aviser, haldningar til engelsk i reklame blant unge, styreleiaren i Språkrådet og om norskundervisninga i skolen.
Denne artikkelen er frå før 2013. Innhald og rettskriving kan vere forelda.
Det nyaste nummeret av Språknytt byr på nytt format, ny grafisk utforming og nytt innhald. Bladet har fått ny utsjånad i tråd med den grafiske profilen til Språkrådet. Innhaldet i bladet blir frå no av organisert i to seksjonar. Den første seksjonen tek for seg aktuelle språkspørsmål og har eit intervju med ein språkengasjert person. Den andre seksjonen går djupare inn i ulike språklige emne.
Språknytt får også nye faste spalter. Blant anna kjem ein gjesteskribent med ei tekst om røynslene sine som språkbrukar.
Språknytt nr. 3/2008 byr på blant anna artiklar om språksensur av lesarinnlegg i norske aviser, haldningar til engelsk i reklame blant unge i Trondheim og eit intervju med styreleiaren i Språkrådet, Ida Berntsen. Shabana Rehman, som er konferansier på Språkdagen 2008, skriv om norskundervisninga i skolen.
– Med Språknytt ønskjer Språkrådet å stimulere språkinteressa og skape medvit om viktige språkspørsmål i vår tid. Vi vonar at omlegginga vil gjere Språknytt endå mer interessant for lesarane, seier Svein Arne Orvik, informasjonssjef i Språkrådet.
Språknytt kjem ut fire gonger i året. Abonnementet er gratis.
Del denne siden
