Kultur- og kyrkjedepartementet ber Språkrådet venta med revisjon av nynorskrettskrivinga
(21.11.07) Styret i Språkrådet vedtok 13. september å setja i gang arbeid med å laga «ei tydeleg, enkel og stram nynorsknorm utan sideformer». Føresetnaden var at departementet godkjende styrevedtaket. I brev til Språkrådet 13. november ber Kultur- og kyrkjedepartementet Språkrådet om å venta med vidare arbeid i saka.
Denne artikkelen er frå før 2013. Innhald og rettskriving kan vere forelda.
Departementet skriv:
«Departementet tek sikte på å drøfta spørsmål som gjeld nynorskrettskrivinga i den komande språkmeldinga.
Det er derfor naturleg at Språkrådet ventar med vidare arbeid i denne saka til etter at meldinga er behandla i Stortinget.»
Stortingsmeldinga om språk skal etter planen leggjast fram i 2008.
Del denne siden
