Åt(e)hol

Kva i all verda er «åt(e)holer»?

I avisa Kragerø Blad Vestmar stod det nyleg eit oppslag om farleg sjøis:

– Jeg var og sjekket isen i sundet mellom Tåtøy og Kirkeholmen fredag formiddag. Hadde med meg ishakke, og den gikk gjennom isen på første hogg. Jeg listet meg inn på land igjen så fort jeg kunne. Oppdaget også at det var flere såkalte åtholer rundt omkring.

Kva i all verda er «åtholer»?

I Nynorskordboka finn vi både åtehol og åthol. Orda tyder det same: ’hol som straum eller overvatn har ete i isen’. Bokmålsforma er åt(e)hull/åt(e)hol.

Etter ordbøkene skal ordet på bokmål bøyast som ordet hol/hull, altså et åthol eller åthull; fleire åthol eller åthull. På nynorsk blir det eit åthol; fleire åthol.

Opphavet til ordet er det norrøne substantivet áta, som tydde ’eting’;  ’det som er etande; mat, føde’.

Ordet åtehull/åtehol er også i bruk i ei anna tyding i dag: ’grop som ein legg åte i, brukt under jakta’.

 

Publisert 17. januar 2011

Del denne siden

Del på Facebook Del på Twitter