Årets ord

I desember kvart år kårar Språkrådet årets ord. Orda speglar hendingar som har prega nyheitene det året, og fortel slik noko viktig om tida vi lever i. Orda viser at norsk er eit rikt og kreativt språk som fungerer godt.

Her er vinnarane dei siste ti åra:

År	Ord	Forklaring
2021	å sportsvaske	det at styresmakter i autoritære statar brukar sportsarrangement eller kjøper opp populære sportsklubbar for å setje seg sjølve i eit betre ljos
2020	koronaen	koronapandemien, både viruset, sjukdommen, krisa og sjølve tida vi er inne i
2019	klimabrøl	styrken i klimaengasjementet til dei unge
2018	skjebnelandsmøte	KrF-landsmøtet som skulle avgjere kva for eit regjeringsalternativ KrF ville forhandle om
2017	falske nyhende	feilaktig framstilling av fakta i den offentlege debatten
2016	kvardagsintegrering	innsatsen vanlege folk gjer for å integrere flyktningar og innvandrarar
2015	det grøne skiftet	omstillinga til eit meir miljømedvite verdssamfunn
2014	framandkrigarar	nordmenn som har reist til krigsområde som Syria og Irak for å kjempe
2013	sakte-tv	tv-sendingar som «Hurtigruten minutt for minutt», ein reaksjon på kvardagsstresset
2012	å nave (naving)	det at skuleungdom tek seg eit friår som er dekt av stønad frå Nav

Her finn du meir informasjon om årets ord.

Del denne siden