«Årets trekkhund» 2016
Med utmerkinga «Årets trekkhund» heidrar vi ildsjelane i klarspråksarbeidet. Ein slik «trekkhund» utmerkar seg ved å motivere andre eller vere pådrivar for eit systematisk klarspråksarbeid, og bidreg slik til gode resultat.
«Årets trekkhund» 2016 er Tone Fagerholt i Trondheim kommune.
Grunngjevinga til juryen
«Klarspråkets mor blir ho kalla, Årets trekkhund i 2016. Med eit uvanleg stort engasjement og ein tydeleg og gjennomtenkt plan har ho gjort omgrepet klarspråk kjent i verksemda si, sjølv om ho ikkje har hatt store ressursar til rådvelde. Ho har hatt ansvaret for å lage ein språkprofil i kommunen. Systematisk har ho tatt for seg område for område og fått arbeidet formelt forankra i leiargruppa.
Juryen meiner det er ei bragd å få til noko slikt i ein så stor organisasjon som denne kommunen, og håpar utmerkinga vil gi arbeidet med klarspråk i kommunen endå større legitimitet.
Utmerkinga «Årets trekkhund 2016» går til Tone Fagerholt i Trondheim kommune.»
Var denne teksten stort sett grei?
Trykk på Ja eller Nei og skriv ei tilbakemelding med ris, ros eller begge delar. Vi svarar ikkje på tilbakemeldingane, men les dei nøye.
Del denne siden
