I tildelingsbrevet for 2008 fekk Direktoratet for forvaltning og IKT (Difi) i oppdrag av det daværende Fornyings- og administrasjonsdepartementet (FAD) å «arbeide med enklare språk og meir tilgjengeleg innhald i offentlege publikasjonar og brev retta mot innbyggjarar (bl.a. saman med Språkrådet)».
Det vart etablert ei prosjektgruppe med representantar frå FAD, Difi og Språkrådet.
Medarbeidarane i prosjektgruppa har samarbeidd om å utvikle tiltaka i dette prosjektet. I prosjektplanen står det at målet med prosjektet skal vere å «øke oppmerksomheten om klarspråk i statsforvaltningen og legge forholdene til rette for at statlige virksomheter skal kunne forbedre språket i sin skriftlige kommunikasjon med innbyggerne». Du finn ein omtale av tiltaka her.
Prosjektgruppa har også etablert ei ressursgruppe som gjev råd og innspel i ulike fasar av prosjektet
I dag har prosjektgruppa representantar frå Difi og Språkrådet. Språkrådet har det språkfaglege ansvaret, medan Difi har ansvar for administrasjon, kommunikasjon og leiing. FAD er prosjektansvarleg. Prosjektet skulle i utgangspunktet vare fram til 2011, men er nyleg forlenga med to nye år.
16.5.2011