Ledig vikariat som rådgjevar/seniorrådgjevar i Språkrådet (søknadsfristen er ute)

 Rådgjevaren vil ha som primæroppgåve å føre tilsyn med korleis statlege etatar følgjer opp arbeidet med å bruke begge målformer i offentleg teneste. Hovudarbeidsoppgåvene er

• å behandle rapportar om målbruk frå statsorgan
• å behandle klagesaker etter mållova
• å gje råd om korleis statsorgan kan oppnå ei jamn fordeling mellom nynorsk og bokmål i tekstane sine
• å svare på spørsmål frå publikum om reglane i mållova
• å samle inn og systematisere kunnskap om målbruk i offentleg teneste

Rådgjevaren skal vidare samarbeide med andre i seksjonen for skole og offentleg forvaltning om tiltak som fremjar god målbruk, og etter behov delta i kursverksemd. Det kan òg vere aktuelt med rådgjeving på skolefeltet.

Kvalifikasjonskrav: Du må ha høgare utdanning med mastergrad eller liknande i eit språkfag. Du bør ha erfaring med offentleg saksbehandling og informasjonsarbeid. Stillinga krev solid norskfagleg kompetanse i begge målformer. Det er ein fordel med erfaring med elektroniske verktøy for datainnsamling. Det er òg ein fordel med erfaring frå skolefeltet.

Lønsspenn kr 465 300 – 518 500 i året som rådgjevar eller 490 600 – 558 600 i året som seniorrådgjevar. Nærare opplysningar om stillinga får du av direktør Arnfinn Muruvik Vonen, tlf. 986 25 617.

• Send elektronisk søknad seinast 27. januar 2014.