Det er vanskeleg å dra klare grenser mellom ordtilfanget i nynorsk og bokmål. Sjølv om det meste er felles, er det også visse skilnader. Eit enkelt pedagogisk hjelpemiddel har vore å åtvare mot ord med ledda an-, be-, -else og -het.
be-
Svært mange av orda på be- kan ein skrive i dag, t.d. behandle, beskjed og beskrive, men dei tradisjonelle orda handsame, melding og skildre lever godt ved sida.
-else
Mindre vanlege i nynorsk er ord med leddet -else. Bokmål begravelse, værelse og tykkelse heiter gravferd, rom og tjukkleik på nynorsk. I mange tilfelle kan leddet -else erstattast av
-ing: Bokmål utvidelse og utsettelse heiter utviding og utsetjing på nynorsk.
-het
Ofte har bokmålsorda på -het etterstavingane -dom, -leik og -skap på nynorsk. Det heiter ærlegdom, kjærleik og veikskap for bokmålsorda ærlighet, kjærlighet og svakhet. Dei siste åra har ein opna for fleire ord på -heit i nynorsk: travelheit, ferdigheit, nyheit. Dei tradisjonelle orda er annsemd, tame og nyhende.
Stil og språkkjensle vil vere avgjerande for valet mellom ein tradisjonell uttrykksmåte med ord som avgjere, tinge og handsame; eller ein nyare med ord som bestemme, bestille og behandle.
Språkrådet har vedteke reglar for opptak av nye ord på nynorsk. Her finn du ei liste over ord som er tekne inn i dei siste ordlistene:
Nokre av dei vanlegaste feila i ordtilfanget kan du unngå ved å studere lista nedanfor.
Liste over bokmålsord og tilsvarande nynorskord
| advarsel |
åtvaring |
| allerede |
allereie, alt |
| anledning |
høve |
| antall |
talet på |
| avgjørelse |
avgjerd |
| bebyggelse |
busetnad |
| begrep |
omgrep |
| begynnelse |
byrjing, begynning |
| beskrivelse |
skildring, beskriving |
| beskylde |
skulde for |
| betydning |
a. vere viktig, ha mykje å seie |
|
b. tyding (av eit ord) |
| betydningsfull |
viktig |
| bevegelse |
rørsle |
| bolig |
bustad |
| budskap |
bodskap |
| disse |
desse |
| ellers |
elles |
| foran |
framfor, føre |
| forbindelse |
samband |
| fornøyd |
nøgd, fornøgd |
| fortsatt |
framleis, enno |
| forutsetning |
føresetnad |
| frihet |
fridom |
| følelse |
kjensle |
| gjentakelse |
gjentaking, oppattaking |
| hendelse |
hending |
| hensikt |
føremål, formål |
| hvis |
dersom, viss |
| hvordan |
korleis |
| hvorfor |
kvifor, korfor |
| i hvert fall |
i alle fall |
| i virkeligheten |
i røynda |
| ild |
eld |
| innflytelse |
innverknad, makt |
| klær |
klede |
| kun |
berre/bare |
| lav |
låg |
| leder |
leiar |
| leilighet |
husvere, leilegheit |
| likhet |
likskap |
| man |
ein |
| meget |
mykj, svært |
| nærhet |
nærleik |
| nødt til |
nøydd til |
| oppdragelse |
oppseding |
| opplevelse |
oppleving |
| ovenfor |
ovanfor |
| personlighet |
personlegdom |
| rettferdighet |
rettferd |
| samt |
og |
| sagn |
segn |
| selvfølgelig |
sjølvsagt |
| selvfølgelighet |
sjølvfølgje, ein sjølvsagd ting |
| skjebne |
lagnad, skjebne |
| skjære |
skjere |
| sted |
stad |
| stillhet |
stille, stillheit |
| tall |
tal |
| unnskyldning |
orsaking |
| utseende |
utsjånad |
| uttalelse |
a. fråsegn |
|
b. utsegn |
| valg |
val |
| vanskelighet |
vanske |
| verden |
verd |
| virkelighet |
røyndom, røynd |
| øke |
auke |
| økning |
auke |
Du finn lenkjer til øvingar øvst i høgrespalta.
Foto © Kjell-Erik Moseid / NN / Samfoto